هل تعاني مصر من مشكلة البطالة ؟
الاجابة بالطبع نعم
اذن كيف تفسر الآتي :
1- رجل يعمل في شركة محترمة ، ويعرض علية عمل في شركة اخري بمرتب اكبر ومميزات اكثر .
2- نفس الرجل يتصل به احد اصحابة ليقول له مطلوب محاسب عندنا في الشركة بمرتب مغري.
3- نفس الرجل يتصل به صديق اخر ليخبره انه اتصل به احد اقاربه ليعمل معه ولكنه مستقر في شركتة ويعرض عليه اخذ الوظيفة هو.
4- من خلال اتصاله ببعض اصحاب الشركات والاقارب يسئلونه يوميا عن طلبهم موظفين وعمال للعمل ببعض الفروع والمحلات ولا يجدون، ويطلبون منه تقديم من يثق فيه للعمل لديهم .
اذن يوجد عمل فلما البطالة والتفسير كالتالي :
عندما قام هذا الرجل بالاتصال بأحد زملائة العاطلين ليخبرة عن احد الوظائف الشاغرة كان الرد كالتالي:
* اول عرض كان الرد : لا ده شغل 9 ساعات كتير اوي وبعدين المرتب مش قد كدة ، علماً بان اول مرتب هو 900ج
* ثاني عرض كان الرد : لا المكان بعيد عليا وهاخد بتاع ساعة في المواصلات رايح وساعة جاي.
* ثالث عرض كان الرد : لا الشغل ده مش متوافق مع مؤهلاتي ازاي انا بكالوريوس واشتغل كاشير ، قاله الرجل طب اشتغل وبعدين دور ، رد صديقة لو اشتغلت وقتي كله هيبقي ضايع في الشغل مش هفضي ادور علي حاجة احسن.
هذا هو تحليل 80% من البطالة في مصر كل واحد مستني الشغل اللي يناسبة وبمرتب يناسب افكاره وشهاداته.
مع العلم بان هذا الرجل الذي يعمل ( تخرج مع العاطل في نفس العام - بدأ شغله بمرتب 500ج مدة عمل 8 ساعات كمندوب مبيعات)
والحمد لله وصل اكثر من 1500 ج الان ، اما العاطل لسه بيأخذ مصروفة من والدية.
والان اختار ايهما تريد ان تصبح ، مع العلم بان هذة القصة حقيقية 100% وليست من الحواديت .
ليست هناك تعليقات:
إرسال تعليق